Otyrysqa qatysýshylar Álemdik jáne dástúrli dinder kóshbasshylary VI seziniń ótkiziletin kúnin belgileıdi, sondaı-aq, osy forýmǵa daıyndyq barysy týraly máselelerdi qaraıtyn bolady. Sharanyń kún tártibine Qazaqstannyń BUU-nyń Qaýipsizdik Keńesindegi basymdyqtarynyń tusaýkeseri de engizildi. Mádenı baǵdarlama sheńberinde álemdik iri din konfessııalarynyń ókilderi EKSPO-2017 halyqaralyq kórme pavılondaryn aralaıdy jáne Ulttyq murajaıǵa ekskýrsııa jasaıtyn bolady. Bul sharaǵa ıslam, hrıstıan, ıýdaızm, býddızm, daosızm, sıntoızm, ındýızm, sondaı-aq, birqatar halyqaralyq uıymdardyń basshylary, onyń ishinde, BUU О́rkenıetter alıansynyń dırektory Metıý Hods, Dúnıejúzilik beıbitshilik habarshysy keńesiniń bas hatshysy Pıchaı Tovıvıch, Birikken Arab Ámirlikteri toleranttylyq máseleleri jónindegi mınıstriniń keńesshisi Rashıd ál-Týnaıdjı jáne basqalar qatysatyn bolady.
Búgin Astanadaǵy Beıbitshilik jáne kelisim saraıynda Qazaqstan Respýblıkasy Parlamenti Senatynyń Tóraǵasy Qasym-Jomart Toqaevtyń tóraǵalyǵymen Álemdik jáne dástúrli dinder kóshbasshylary sezi Hatshylyǵynyń XVI otyrysy ótedi, dep habarlady Senattyń baspasóz qyzmeti.